Tuesday, October 17, 2023

வாப்பா போகிறேன் மகளே

 வாப்பா போகிறேன் மகளே

-------------------------

 

விலகி நில் மகளே

வண்டி வந்திருக்கிறது வாசலுக்கு 

வாப்பாவை ஏற்றிச் செல்ல..

 

வழி நெடுக

வாப்பாவின் கரம் பற்றியிருந்தாய்- இனி

வேறு வழியில்லை. மகளே

வாப்பா போகிறேன்....

 

தட்ட முடியாத அழைப்பு

தட்டி அழைக்கிறது

தந்தை போகிறேன்..

 

இறுதியாக ஒருமுறை

இந்த முகத்தைப்

பார்த்துக் கொள்- கண்ணே 

இனி நாம் சந்திப்பதற்கில்லை 

 

விழிநீரைத் துடைத்துக் கொள்.

விம்மலை அடக்கிக் கொள்.

 

இப்போது,

விலகி நில்

என் மகளே..

வாப்பாவுக்கு விடை கொடு..!

O

No comments:

Post a Comment